जामनेर (प्रतिनिधी) प्राथमिक आरोग्य उपकेंद्र खादगाव, गुरुदेव सेवा आश्रम ट्रस्ट जामनेर व ग्रामस्थ खादगाव यांच्या संयुक्त विद्यमाने हरित क्रांतीचे प्रणेते वसंतराव नाईक यांची जयंती व जागतिक डॉक्टर्स-डे चे औचित्य साधून जामनेर येथील सर्व डॉक्टरांचा यथोचित सन्मान करून त्यांच्या हस्ते वृक्षारोपण करण्यात आल्याने खऱ्या अर्थाने जागतिक डॉक्टर डे साजरा झाल्याचे श्याम चैतन्य जी महाराज यांनी सांगितले. त्यांनी डॉक्टरांचा गौरव करताना ‘काळ वेळ न पाहता जे होतात रुजू, सांगा डॉक्टर तुमचे उपकार कोणत्या शब्दात मोजू …! अशा शब्दात डॉक्टरांची महंती वर्णन केले.
जामनेर शहरातील सर्व डॉक्टर एकत्र येण्याचा हा पहिलाच प्रसंग होता. या कार्यक्रमाच्या अध्यक्षस्थानी डॉ. अमोल शेठ तर प्रेरणास्थान म्हणून गुरुसेवा आश्रम ट्रस्टचे अध्यक्ष श्री श्याम चैतन्य जी महाराज तर प्रमुख पाहुणे तालुका वैद्यकीय अधिकारी डॉ. राजेश सोनवणे, वैद्यकीय अधिक्षक डॉ. विनय सोनवणे हे होते.
जामनेर आयएमएचे अध्यक्ष डॉ. आर.के.पाटील यांच्या हस्ते प्रतिमा पुजन करून कार्यक्रमाचे उद्घाटन करण्यात आले. श्री श्यामचैतन्य जी महाराज व डॉ. राजेश सोनवणे यांनी मनोगत व्यक्त केले. प्रसंगी गुरुदेव सेवा आश्रम ट्रस्टद्वारे सर्व डॉक्टरांना गौरविण्यात आले. त्यांचे हस्ते विविध शंभर वृक्षांची लागवड करण्यात आली.
कार्यक्रम प्रसंगी डॉ. अमृता कोलते-पाटील, डॉ. चारुशीला ठाकूर, डॉ. महेंद्रसिंग चव्हाण, डॉ. हर्षल चांदा, डॉ. प्रशांत पाटील, डॉ. नंदलाल पाटील, डॉ. प्रशांत महाजन, डॉ. नीलकंठ पाटील, डॉ. दीपक ठाकूर, डॉ. रमेश पाटील, डॉ. संदीप पाटील, डॉ. मनोज विसपुते, डॉ. सतीष पाटील, डॉ. योगेश इंगळे, डॉ. आशिष महाजन, डॉ. प्रमोद पाटील, डॉ. अविनाश कुरकुरे, डॉ. निलेश काळे, डॉ. चंद्रशेखर पाटील, डॉ. राजेश नाईक, डॉ. सागर पंडीत, डॉ. विजय सपकाळ, पद्माकर चौधरी, संदिप पाटील, श्रीराम पाटील सह मान्यवर उपस्थित होते.
डॉ. पराग पाटील यांनी सूत्रसंचालन केले तर डॉ. विनोद भोई यांनी आभार मानले. या कार्यक्रमाला ग्रामपंचायत पदाधिकारी, ग्रामस्थ,आशा स्वयंसेविका, आरोग्य कर्मचारी खादगाव यांचे अनमोल सहकार्य लाभले.
