नवी दिल्ली (वृत्तसंस्था) पंतप्रधान नरेंद्र मोदी गुजरात दौऱ्यावर असून शनिवारी त्यांनी सरदार वल्लभभाई पटेल यांच्या 145 व्या जयंतीनिमित्त स्टॅच्यू ऑफ युनिटी इथं जाऊन आदरांजली वाहिली. मोदींनी ट्विटरवरून म्हटलं की, राष्ट्रीय एकता आणि अखंडतेचे अग्रदूत लोहपुरुष सरदार वल्लभभाई पटेल यांच्या जयंतीनिमित्त विनम्र आदरांजली.
पंतप्रधान नरेंद्र मोदी यांनी त्यांच्या संदेशात म्हटले आहे की, “राष्ट्रीय एकता आणि अखंडता यांचे अग्रदूत लोह पुरुष सरदार वल्लभ भाई पटेल यांना विनम्र श्रध्दांजली.” राष्ट्रीय एकता दिनानिमित्त पतप्रधानांनी गुजरातमधील केवडिया येथे आयोजित एकता दिवस समारंभात भाग घेतला. सरदार पटेल यांच्या जयंती निमित्त केंद्रीय गृहमंत्री अमित शाह यांनीही श्रध्दांजली वाहिली. “राष्ट्रीय एकतेचे प्रतिक आणि प्रत्येकाच्या हृदयात आपल्या कार्याने स्थान निर्माण करणाऱ्या सरदार पटेल यांना नमन. स्वातंत्र्यानंतर देशातील अनेक संस्थांने विखुरलेल्या स्वरुपात होती. त्यांचे एकीकरण करुन आजच्या मजबुत भारताचा पाया त्यांनी रचला आहे. त्यांचे दृढ नेतृत्व, राष्ट्रासाठी समर्पण आणि विराट योगदानाचे देश कायम स्मरण ठेवेल.
“गृहमंत्री अमित शाह यांनी असेही म्हटले आहे की, “संविधान आणि सनातन यांच्यात समतोल ठेवणारे अद्वितीय प्रतिक सरदार पटेल यांनी देशाच्या एकीकरणापासून सोमनाथ मंदिराचे पुनर्निर्माण करण्यापर्यंत आपल्या जीवनाचा प्रत्येक क्षण हा देशात एकता निर्माण करण्यात अर्पण केला आहे. अशा महान राष्ट्रभक्त लोहपुरुषाला राष्ट्राकडून वंदन.”
