जळगाव (प्रतिनिधी) धरणगाव येथील व कवियत्री बहिणाबाई चौधरी उत्तर महाराष्ट्र विद्यापीठाच्या व्यवस्थापन परिषदेचे सदस्य दिलीप पाटील यांना स्व.सतीश मित्तल हा पुरस्कार नुकताच जाहीर झाला आहे.
दि, ३ जानेवारी २०२२ रोजी आष्टी जिल्हा बीड येथे इतिहास संकलन संस्थेच्या अधिवेशनात धरणगाव येथील दिलीप रामू पाटील यांना स्व.सतीश मित्तल पुरस्काराने सन्मानित करण्यात येणार आहे.
इतिहास क्षेत्रात काम करीत असताना संघटनेच्या माध्यमातून सामाजिक, शैक्षणिक व सांस्कृतिक क्षेत्रात काम करणाऱ्या कार्यकर्त्यांना या पुरस्कराने सन्मानित करण्यात येते. इतिहास संकलन समितीचे भूतपूर्व अध्यक्ष स्व.-डॉ सतीश मित्तल यांच्या नावाने हा पुरस्कार देण्यात येतो. पाचोरा येथील स्व. परशुराम कोंडीबा-शिंदे यांचे स्मरणार्थ देण्यात येणारा हा पुरस्कार या वर्षी धरणगाव येथील दिलीप रामू पाटील यांना घोषित करण्यात आला आहे. या निवड समितीत अध्यक्ष प्रा. डॉ. राधाकृष्ण जोशी नगर, यांनी त्यांच्या नावाची घोषणा केली.
दिलीप पाटील यांचे ४० वर्षाचे संघटनात्मक योगदान, अभाविप ते सहकार भारती व्हाया किसान संघ, त्याचे तरुण भारत, जळगाव जनता बँक, बालाजी विश्वस्त मंडळ धरणगाव, आदी समाज व शैक्षणिक क्षेत्रात काम करीत असताना कवियत्री बहिणाबाई चौधरी उत्तर महाराष्ट्र विद्यापीठाच्या प्रथम सिनेट पासून ते सदस्य आहेत. एक कार्यकर्ता ते प्रशासक असा हा प्रवास संघर्ष आणि सृजनतेचा आहे. या पुरस्काराचे स्वरूप रोख रक्कम, स्मृतिचिन्ह, मानपत्र ,संस्थेचे स्मृती चिन्ह असा आहे.
