जळगाव (प्रतिनिधी) – मसाजच्या नावाखाली देहविक्री करणाऱ्या स्पा ९९ या स्पा सेंटवर पोलिसांनी छापा टाकला. या स्पा सेंटरमध्ये काम करणाऱ्या सहा पीडित महिलांची सुटका करण्यात आली आहे. तर स्पा सेंटरच्या नावाखाली कुंटणखाना चालविणाऱ्या निरजसिंग पांड्या (रा. रतलाम मध्यप्रदेश) व जागा मालक राजेंद्र पुंडलीकराव चव्हाण (रा. यशवंत कॉलनी, रिंगरोड) या दोघांविरुद्ध गुन्हा दाखल करण्यात आला. ही कारवाई रिंगररोडवरील आरसी टॉवरमधील चौथ्या मजल्यावरील स्पा सेंटवर दामिनी पथकासह एएचटीयूच्या पथकाने बुधवार दि. २ सप्टेंबर रोजी दुपारच्या सुमारास केली.
शहरातील रिंगरोडवरील आरसी टॉवरच्या इमारतीच्या चौथ्या मजल्यावर स्पा ९९ सेंटर सुरु होते. याठिकाणी पश्चिम बंगाल, मणिपूर, सिक्कीम, नेपाळ येथील सहा महिला मसाज थेरपिस्ट म्हणून काम करीत होत्या. गेल्या पाच ते सहा महिन्यांपासून सुरु असलेल्या या स्पा सेंटरमध्ये सेंटरमध्ये थेरपिस्ट महिलांना अधिकच्या पैशांचे अमिष दाखवून त्यांच्याकडून देहविक्री करवून घेतली जात असल्याची माहिती दामिनी पथकाला मिळाली होती. पोलीस अधीक्षक श्रीकांत धिवरे यांच्या मार्गदर्शनाखाली परीक्षाविधी उपअधिक्षक सह्याद्री विलें यांच्या नेतृत्वात एएचटीयूच्या प्रभारी सपोनि माधुरी बोरसे, जिल्हापेठचे प्रभारी अनिल वाघ, उपनिरीक्षक दिनेश बडगुजर, राजेश पाटील, सफौ अनिल पाटील, सलीम शेख, भूषण कोल्हे, पोहे कॉ दीपक पाटील, किरण पाटील, मनिषा पाटील, राखी खाटीक, दामिनी पथकातील वैशाली माळी, मनु घुले, अंजली राजपुत, रिना महाजन तर जिल्हापेठ पोलीस ठाण्यातील पोहे कॉ महेश महाजन, महिला पोहेकॉ अनिता वाघमारे, पो. कॉ. प्रशांत लाड, समाधान पाटील, प्रवीण जाधव यांचे पथक कारवाईसाठी रवाना केले.
डमी ग्राहकाने केले ऑनलाईन पेमेंट पथकाने सापळा रचून एक डमी ग्राहक स्पा सेंटरमध्ये पाठविला. ग्राहकाने ऑनलाईन पेमेंट केल्यानंतर त्याला स्पा सेंटरमध्ये देहविक्री केली जात असल्याचे खात्री झाली. त्याने पथकाला मिसकॉल देताच सापळा रचून बसलेल्या पथकाने स्पा सेंटरवर छापा टाकला.
स्पा सेंटरच्या मालकासह जागा मालकाविरुद्ध गुन्हा
स्पा सेंटरचा मालक निरजसिंग पांड याच्याविरुद्ध स्पा आस्थापनाच्या आडू व्यावसायिक लैंगिक व्यापार चालवि तर जागा मालक राजेंद्र पुंडलीकरा चव्हाण याच्याविरुद्ध बेकायदेशीर कारवा चालविण्यासाठी जागा भाडेतत्वावर दिल म्हणून गुन्हा दाखल करण्यात आल आहे.
उच्चभ्रू नागरिक होते ग्राहक
या स्पा सेंटरवर सुरु असलेल्या हालचालिंवर दामिनी पथक पाळत ठेवून होते. त्यांना याठिकाणी संशयास्पद त्यांनी हालचाली होतांनाची खात्री झाल्यानंतर सापळा रचून कारवाई केली. तसेच याठिकाणी शहरातील अनेक उच्चभ्रू लोक येत असल्याचे पोलिसांच्या चौकशीतून उघड झाले. तसेच या स्पा सेंटरचाल मालक निरजसिंग पांड्या हा मध्यप्रदेशातून हे स्पा सेंटर चालवित असून पीडित महिलेपैकी एक तेथील सर्व व्यवहार सांभाळत होती.
नेपाळच्या महिलेच्या कागदपत्रांची तपासणी सुरु
रोजगासाठी जळगावात आलेल्या २६ ते ३५ वयोगटातील मसाज थेरपिस्ट म्हणून आलेल्यांकडून देहविक्री करवून घेतली जात होती. यामध्ये मणिपुर येथील २, दार्जीलिंग येथील १, नेपाळ येथील १, सिक्कीम येथील २ असा एकूण सहा महिलांची सुटक करण्यात आली. यामध्ये नेपाळ येथील २० वर्षीय थेरपिस्ट महिला परदेशी नागरिक असल्यामुळे तिचा पासपोर्ट, व्हिसा स्थित आणि सीमापार प्रवासाच्या पार्श्वभूमीबाबत सविस्तर पडताळणी सुरू आहे.
