धरणगाव (प्रतिनिधी) भारतीय प्रजासत्ताक दिनाचे औचित्य साधून पी.आर.हायस्कूलच्या विद्यार्थ्यांसाठी स्व. आप्पासाहेब आर.बी. सूर्यवंशी सर यांच्या स्मृति प्रित्यर्थ इंग्रजी कथाकथन व निबंध लेखन स्पर्धा आयोजित करण्यात आली होती.
या स्पर्धेत बक्षीस प्राप्त विद्यार्थ्यांना प्रमाणपत्र व स्मृति चिन्हे देवून मान्यवरांच्या हस्ते गौरवलं गेले. या कार्यक्रमाचे अध्यक्ष डॉ. अरुण कुळकर्णी हे होते. तर प्रमुख अतिथी म्हणून सचिव डॉ.मिलिंद डहाळे, अजय पगारिया व गुरुकृपा हॉटेलचे मालक देवालाल बयस हे होते. या मान्यवरांच्या शुभहस्ते पारितोषिक प्रदान करण्यात आले. या स्पर्धेचे परिक्षक मेजर डी.एस. पाटील, व्हि.एच. चौधरी, डी.एच. कोळी, पी.जी. पाटील यांना स्मृति चिन्हे देवून सत्कार केला. सदर स्पर्धेचे आयोजक इंग्रजी शिक्षक जी.आर. सूर्यवंशी होते. या कार्यक्रमासाठी मुख्याध्यापक डॉ. संजीवकुमार सोनवणे, उपमुख्याध्यापक डॉ.आशा शिरसाठ, पर्यवेक्षक कैलास वाघ, पारितोषिक वितरण प्रमुख उमाकांत बोरसे हजर होते. सूत्रसंचालन संजय बेलदार यांनी केले. कार्यक्रम यशस्वितेसाठी लिपिक दिनेश सूर्यवंशी, एस.पी.सोनार ,आर.जे.धनगर यांच्यासह शिक्षक व शिक्षकेतर कर्मचाऱ्यांनी सहकार्य केले.
