कासोदा ता. एरंडोल (प्रतिनिधी) येथे उपनगरात एक कर्मचारी बाहेरगावी गेल्यानंतर कोरोनाबाधित झाला होता. त्यांच्याच सहवासात आल्यामुळे त्याच्या कुटुंबातील चार व्यक्तींना कोरोनाची लागण झाली आहे.
सदर कर्मचारी हा चाळीसगाव (पातोंडा) कार्यक्रमासाठी गेला असता, तिथल्या नातेवाईकांशी संपर्कात आला. घरी आल्यानंतर त्याला अस्वस्थ वाटू लागल्यामुळे त्याने कोरोनाची चाचणी केली. त्यात त्याला कोरोनाची लागण झाल्याचे आढळून आले. त्यानंतर बुधवारी त्यांच्याच कुटुंबातील इतर व्यक्तींची तपासणी केली असता, चार व्यक्तींना कोरोनाची लागण झाल्याचे आढळले. त्यामुळे जवळजवळ पूर्ण कुटुंब कोरोनाच्या गर्तेत सापडले, असून त्या परिसरात व त्यासोबत कासोदे गावात चिंतेचे वातावरण निर्माण झाले आहे. कोरोना रुग्णांची संख्या वाढत असतानाही अद्याप लोकांमध्ये जाणीव होत नसून, मास्क वापरणे, सुरक्षित अंतर ठेवणे, इत्यादीबाबत आजही दुर्लक्ष होत आहे. संबंधित उपनगरात ग्रामपंचायतीकडून तात्काळ फवारणीचे काम करण्यात यावे, अशी मागणी परिसरातील लोकांनी केली आहे.
