पुणे (वृत्तसंस्था) आर्मी पब्लिक स्कूल (Army Welfare Education Society, Army Public School) इथे लवकरच काही जागांसाठी मेगा भरती होणार आहे. यासाठीची अधिसूचना जारी करण्यात आली आहे. पदव्युत्तर शिक्षक, प्रशिक्षित पदवीधर शिक्षक, प्राथमिक शिक्षक (पीजीटी, टीजीटी, पीआरटी) या पदांसाठी ही भरती असणार आहे. पात्र उमेदवारांनी यासाठी दिलेल्या लिंकवर ऑनलाईन पद्धतीनं अर्ज करायचे आहेत. अर्ज करण्याची शेवटची तारीख २८ जानेवारी २०२२ असणार आहे.
AWES ने जारी केलेल्या सूचनेनुसार, या शाळांमध्ये दि. ७ ते २८ जानेवारी २०२२ या कालावधीत पदव्युत्तर शिक्षक (PGT), प्रशिक्षित पदवीधर शिक्षक (TGT) आणि प्राथमिक शिक्षक (PRT) या पदांसाठी पात्र उमेदवारांकडून ऑनलाइन अर्ज मागविण्यात येत आहेत. संबंधित उमेदवारांनी नोंद घ्यावी की, TGT, PGT आणि PRT भरतीसाठी रिक्त पदांची संख्या AWES ने जाहीर केलेली नाही.
सोसायटीने नोटीसमध्ये म्हटले आहे की, या वर्षी भरल्या जाणाऱ्या सर्व पदांसाठीच्या रिक्त जागा संबंधितांनी जाहीर केल्या आहेत. या संदर्भात शाळा या मुलाखतीच्या व अध्यापन कौशल्य मूल्यमापनाच्या तारखेसह व्यवस्थापनाद्वारे घोषित केले जाईल. तथापि, AWES ने आपल्या नोटीसमध्ये म्हटले आहे की सर्व १३६ आ पब्लिक स्कूलमध्ये सुमारे ८७०० शिक्षक पदे मंजूर आहेत. यामधून विविध कारणांमुळे मोठ्या प्रमाणात रिक्त पदे निर्माण होतात.
आर्मी पब्लिक स्कूल (APS) पहिल्या टप्प्यात TGT PGT आणि PRT भरती २०२२ साठी उमेदवारांच्या निवडीसाठी १९ आणि २० फेब्रुवारी २०२२ रोजी ऑनलाइन स्क्रीनिंग टेस्ट (OST) आयोजित करेल. OST मध्ये बसण्यासाठी उमेदवारांची प्रवेशपत्रे १० फेब्रुवारी २०२२ रोजी जारी केली जातील. यशस्वी उमेदवारांना पुढील टप्प्यातील मुलाखती व शिक्षण कौशल्यासाठी बोलावले जाईल. अर्ज करण्यासाठी, उमेदवारांना OST साठी नोंदणी करावी लागेल, जी AWES च्या अधिकृत वेबसाइट, awesindia.com वर दिलेल्या ऑनलाइन अर्ज लिंकद्वारे किंवा खाली दिलेल्या थेट लिंकद्वारे केली जाऊ शकते. इच्छुक उमेदवारांनी याचा लाभ घ्यावा असे आवाहन संस्थेच्या वतीने करण्यात आले आहे.
