चोपडा (प्रतिनिधी) नाशिक येथील अर्धपीठ असलेले अदिशक्ती श्री सप्तश्रृंगी येथील गडावर पायी जाणाऱ्या भाविकांसाठी अनेक दानशुर आपआपल्या परीने मदत करत असतात आणि सेवा देतात. याचप्रमाणे चोपडा येथील डॉ.रोहन पाटील, मिथुन पाटील या दोघ आरोग्यदूत यांनी देखील सेवाकार्य करण्याच्या संकल्पनेतून गडावर पायी जाणाऱ्या भाविकांसाठी मोफत औषध वाटप करण्यात येत आहेत. या कार्याचा चोपडा शहरात कौतुकाचा वर्षाव होत आहे.
थाळनेर दरवाजा जवळ असलेल्या दवाखान्यात डॉ.रोहन पाटील हे सामाजिक कार्यात नेहमीच अग्रेसर असतात. घरचा राजकीय वारसा असला तरी कधीही याचा अभिमान न बाळगता असाह्य, गरीब, भोळीबाभडी लोकांसाठी मदत करत असतात आणि डॉक्टरांचे कार्य काही वर्षांपूर्वी सेवाकार्य म्हणून ओळखले जाते. दरम्यान, चोपड्यातील सर्वच डॉक्टर हे कोणत्या-कोणत्या सामाजिक कार्यात पुढे असतात. चोपड्यातील अनेक डॉक्टर तर आलेल्या पेशंटकडे पैसे आहेत की नाही हाही विचार करत नाही आणि अगोदर उपचार महत्वाचे समजून त्याचे उपचार देखील करून देतात. अशा चांगल्या पद्धतीचे सर्वच डॉक्टरांचे वागणे होय. परंतु डॉ. रोहन पाटील यांनी तर जवळपास ७०० ते ८०० लोकांना पुरेल इतक्या अंगदुखी, डोकेदुखी, तसेच टॉनिकच्या गोळ्या वाटप दि.१९ तारखेला धुळे तर मालेगावच्या मध्ये वितरण करण्यात आले.
तसेच पायाला चिखल्या पडल्या असतील व पायी चालून चालुन मांड्याचे घसरण झाल्याने त्यावर देखील आवइंटमेंट (ट्युब), इलेक्ट्रोल पावडर वितरीत करण्यात आले. तसेच अनेकांची बिपी तपासणी, ताप तपासणी ,पायाचा जखमाना ड्रसिंग करणे, अशी तपासणी केली. सकाळी 11 वाजेपासून तर संध्याकाळी 8 वाजेपर्यंत ही सेवाकार्य ह्या दोघ भावाकडून करण्यात आले. यांच्या ह्या सेवेला होलसेल मेडिकल पुरविण्याचे काम प्रविण मिस्तरी तर ताक पाऊच साठी बापू डेअरीचे संचालक बापू महाजन, अमळनेर येथील मेडिकल होलसेल मेडिकलचे विशाल माळी, आशिष जैस्वाल अश्या अनेक लोकांनी या कार्यासाठी मदत केली.
डॉ.रोहन पाटील, मिथुन पाटील यांचा सोबत हॉस्पीटलचे व मेडीकलचे कर्मचारी उपस्थित होते. डॉक्टर रोहन पाटील हे मागील चार वर्षांपासून हे सेवाभावचे कार्य नित्यनेमाने करत आहे. यांच्या दोघ भावाचा कार्याचे सर्वत्र कौतुक होत आहे.
