बोदवड (प्रतिनिधी) येथील पंचायत समिती सभागृहात आमदार चंद्रकांत पाटील यांनी तालुक्यात घरकुल विषयी शासकीय जागेवरील अतिक्रमित घरकुल कायम करणे बाबत पंचायत समिती गटविकास अधिकारी संतोष नागटिळक, नगरपालिका मुख्याधिकारी चंद्रकांत भोसले तसेच सर्व विस्तार अधिकारी व ग्रामसेवक यांची संयुक्त बैठक बोलवण्यात आली होती. यावेळी आमदार चंद्रकांत पाटील यांनी विविध विषयांचा आढावा घेतला.
यामध्ये घरकुलांचे सर्व लाभार्थी लक्ष पूर्ण करण्यासाठी विशेष लक्ष देणे तसेच सर्व ग्रामसेवकांनी आपली जबाबदारी समजून घेऊन गावाच्या विकासासाठी पूर्णतः प्रयत्नरत राहावे तसेच कामचुकार ग्रामसेवकांवर गटविकास अधिकाऱ्यांनी तात्काळ कारवाई करून अहवाल सादर करावा अशा विविध सूचना केल्या. यासोबतच तालुक्यात गेल्या पाच वर्षापासून विकास कामांवरील निधीचा खर्च, निधी खर्च वापर, अखर्चित निधी, शिल्लक निधी, याविषयी माहिती घेतली. नगरपालिका क्षेत्रातील लाभार्थ्यांना उपलब्ध जागांचे सीमांकन तसेच मोजणी शासकीय खर्चातून योग्यप्रकारे करून विशेष सूचना दिल्या. बैठकीत रमाई घरकुल उद्दिष्ट परत गेल्यासंबंधी गदारोळ झाला. त्यासंबधीत आमदार चंद्रकांत पाटील यांनी त्वरित चौकशी करून दोषींवर कार्यवाही करण्याच्या सूचना दिल्या. बैठकीत ग्रामसेवकांच्या रिक्त पदांची पूर्तता करण्या विषयी आमदारांकडे मागणी करण्यात आली. आमदार चंद्रकांत पाटील यांनी तालुक्याचा सर्वांगीण विकास हेच माझे उद्दिष्ट असून यासाठी मला सर्व अधिकारी, कर्मचारी सर्व जनता यांची साथ हवी आहे असे सांगीतले.
यावेळी बैठकीस आमदार चंद्रकांत पाटील, पंचायत समिती सभापती किशोर गायकवाड, पंचायत समिती उपसभापती प्रतिभा ताई, निलेश टिकार, पंचायत समिती सदस्य गणेश पाटील, गटविकास अधिकारी नाथटिळक, मुख्याधिकारी भोसले, विस्ताराधिकारी, सर्व ग्रामसेवक, मुक्ताईनगर विधानसभा क्षेत्र प्रमुख सुनील पाटील, दीपक माळी, सचिन पाटील, लालसिंग पाटील, सागर पाटील, ईश्वर जंगले, स्वीय सहाय्यक प्रशांत पाटील यांची उपस्थिती होती.
