जळगाव (प्रतिनिधी) शहरातील फुले मार्केट परिसरामध्ये खरेदी करण्यासाठी आलेल्या महिलेच्या पर्समधून ५० हजार रुपयांची रोकड चोरून नेली. ही घटना बुधवारी १२ मार्च रोजी दुपारी ४ वाजेच्या सुमारास घडली. याप्रकरणी शहर पोलीस ठाण्यात अज्ञात चोरट्यांवर गुन्हा दाखल करण्यात आला.
रावेर येथील अरुणा आनंदराव महाडिक (वय ५५) या महिला जळगाव शहरातील फुले मार्केट येथे सामान खरेदी करण्यासाठी बुधवार दि. १२ मार्च रोजी दुपारी ४ वाजता आलेल्या होत्या. दरम्यान त्यावेळी अज्ञात चोरट्यांनी त्यांच्याजवळ असलेल्या पर्स मधून ५० हजार रुपयांची रोकड चोरून नेली ही घटना उघडकीला आली आहे. आल्यानंतर महिलेने जळगाव शहर पोलीस ठाण्यात धाव घेऊन तक्रार दिली. त्यानुसार अज्ञात चोरट्यांवर याप्रकरणी गुन्हा दाखल करण्यात आला आहे. या घटनेचा पुढील तपास पोलीस हेडकॉन्स्टेबल सतीश पाटील करीत आहे.
