अमळनेर (प्रतिनिधी) ‘जय भीम’ हा चित्रपट सत्य घटनेवर आधारित असून या चित्रपटाला प्रेक्षकांचा चांगला प्रतिसाद पाहायला मिळतोय. ‘जय भीम’ चित्रपट अमळनेरात उद्या रविवार दि. २१ नोव्हेंबरला कोविड-१९ चे नियमांचे काटेकोरपणे पालन करून छत्रपती शिवाजी महाराज नाट्यगृहात प्रदर्शित करण्यात येणार आहे.
छत्रपती शिवाजी महाराज नाट्यगृहात कोविड-१९ चे नियमांचे काटेकोरपणे पालन करून ‘जय भीम’ चित्रपट दाखविण्यात येणार आहे. हा चित्रपट दुपारी १२ ते ३. दुपारी ३ ते ६. सायंकाळी ६ ते ९ या वेळी प्रदर्शित करण्यात येणार आहे. हा चित्रपट पाहण्यासाठी जनतेने मोठ्या संख्येने उपस्थित रहावे असे आवाहन आयोजकांनी केले आहे. या कार्यक्रमाचे आयोजन समाधान मेराळे, सुरेश कांबळे संदीप सैंदाणे, प्रवीण बैसाणे यांनी केले आहे.
