जळगाव (प्रतिनिधी) राज्यातील प्रतिष्ठीत समजल्या जाणाऱ्या ‘व्हाईस ऑफ मिडिया’ या संघटनेच्या जळगाव जिल्हा कार्याध्यक्षपदी विकास भदाणे आणि डीगंबर महाले यांची निवड सर्वानुमते नुकतीच करण्यात आली. जिल्हाध्यक्ष तथा ज्येष्ठ पत्रकार सुरेश उज्जैनवाल यांनी दोघांना नियुक्ती पत्र दिले.
‘व्हाईस ऑफ मिडिया’च्या कार्यकारणीची बैठक नुकतीच पद्मालय शासकीय विश्राम गृहात पार पडली. संघटनेचे संस्थापक अध्यक्ष संदीप काळे, कार्याध्यक्ष संजय आवटे आणि उपाध्यक्ष मंदार फणसे यांच्या आदेशाने यावेळी सर्वानुमते जळगाव जिल्हा कार्याध्यक्षपदी विकास भदाणे आणि डीगंबर महाले यांची निवड करण्यात आली. यावेळी जिल्हाध्यक्ष तथा ज्येष्ठ पत्रकार सुरेश उज्जैनवाल संघटनेची ध्येय आणि धोरणं समजावून सांगितली. तसेच जिल्हा कार्यकारणी देखील जाहीर केली. त्यानुसार उपाध्यक्षपदी श्रीकांत जोशी, मुफ्ती हारून नदवी, अनिल पाटील तर सचिव विजय वाघमारे, सहसरचिटणीस ज्ञानेश्वर वाघ, कोषाध्यक्ष नंदकिशोर अग्रवाल, कार्यवाहक आनन शिंपी, संघटक मनोहर लोणे, प्रवक्ता संजयसिंग चव्हाण, प्रसिद्धी प्रमुख नाजनीन शेख तर म्हणून सदस्य दिलीप वैद्य, राजू कवडीवाले, विनायक डीवटे, शेखर पटेल, शैलेन्द्र चव्हाण, रवींद्र नवाल यांची निवड करण्यात आली आहे.
