फैजपूर (प्रतिनिधी) पंजाबी ड्रेस घालून आलेल्या एकाने आजीच्या डोळ्यावर स्प्रे मारत सोबत असलेल्या तरुणीला पळवून नेल्याची खळबळजनक घटना शहरातील बस स्थानकाजवळील प्रांत कार्यालयाकडे जाणाऱ्या रस्त्यावर दि. १७ रोजी घडली आहे. याप्रकरणी अज्ञात व्यक्तीविरुद्ध गुन्हा दाखल करण्यात आला आहे.
या संदर्भात निर्माला रमेश जैन (वय ६०) यांनी पोलिसात फिर्याद दिली आहे. त्यानुसार दि. १७ रोजी निर्माला जैन या आपली नात कोमल राजेंद्र शिंपी (वय २२) सोबत बस स्थानकाजवळील प्रांत कार्यालयाकडे जाणाऱ्या रस्त्यावरून जात होत्या. यावेळी एक अज्ञात इसम पंजाबी ड्रेस घालून आला व त्याने निर्माला जैन यांच्या डोळ्यावर स्प्रे मारत २२ वर्षीय नात कोमलला पळवून नेले. या प्रकरणी निर्माला जैन यांनी तत्काळ पोलीस स्थानक गाठत घडलेली माहिती दिली. याप्रकरणी अनोळखी इसमा विरोधात गुन्हा दाखल करण्यात आला असून पुढील तपास पोहेकॉ रवींद्र मोरे हे करीत आहेत.
