फैजपूर (प्रतिनिधी) भुसावळ ते पिळोदा बुद्रुक गावा दरम्यान मानवी कवटी व हाडे आढळून आल्याने खळबळ उडाली आहे. या घटनेप्रकरणी फैजपूर पोलिस स्टेशनला अकस्मात मृत्यूची नोंद घेण्यात आली आहे.
परिसरातील लोकांमधे होत असलेल्या चर्चेतून व प्रत्यक्ष भेटीअंती पोलिसांनी घटनास्थळा भेट दिली. घटनास्थळी 25 जुलै रोजी दुपारी एक वाजेच्या सुमारास मानवी कवटी व हाडे मिळून आली. भुसावळ ते पिळोदा गावादरम्यान रस्त्यावरील पुलाच्या पलीकडे नाल्यातील काटेरी झुडूपांमधे ही मानवी कवटी व हाडे मिळून आली. हा खूनाचा प्रकार आहे की, गुप्तधनाच्या लालसेपोटी करण्यात आलेला अघोरी प्रकार? याबाबत गावात उलट सुलट चर्चा सुरु आहेत. पुढील तपास स.पो.नि. निलेश वाघ पुढील हे करत आहेत.
