जळगाव (प्रतिनिधी) भुसावळ येथील माजी नगरसेवक रवींद्र बाबूराव खरात यांच्या हत्याकांडातील सध्या जळगाव सबजेलमध्ये असलेल्या संशयित आरोपींमध्ये अंतर्गत वादातून एकाची धारदार शस्त्राने हत्या करण्यात आल्याची खळबळजनक घटना बुधवार १० जुलै रोजी सकाळी ७.३० वाजता घडली आहे.
भुसावळचे माजी नगरसेवक तथा रिपाइंचे तत्कालीन जिल्हाध्यक्ष रवींद्र बाबूराव खरात ( वय-५५) यांची ७ ऑक्टोबर २०१९ रोजी भुसावळात अतिशय क्रूर पध्दतीत हत्या करण्यात आली होती. एका टोळक्याने त्यांच्यासह कुटुंबातील सदस्यांवर केलेल्या भयंकर हल्ल्यात रवींद्र खरात यांच्यासह एकूण पाच जणांचे बळी गेल्याने परिसर हादरला होता. पुर्व वैमनस्यातून हे हत्याकांड झाल्याचे चौकशीत निष्पन्न झाले होते. या प्रकरणातील आरोपींना अटक करण्यात आली असून ते जळगाव कारागृहात आहेत.
दरम्यान, या प्रकरणातील संशयित आरोपी मोहसीन असगर खान ( वय ३४) रा. रेल्वे फिल्टर, कवाडे नगर, भुसावळ याच्यावर हल्ला चढवत त्याला गंभीर जखमी केले व त्याचा दुसरा सहकारी संशयित आरोपी यांच्यात किरकोळ वाद होता. आज सकाळी ७.३० वाजेच्या सुमारास सबजेलमधील बॅरॅकेट्स उघडे करून कैद्यांना सोडण्यात आले होते. त्यावेळी त्याचा सहकारी असलेला संशयित आरोपीने मोहसीन अझगर खान याच्यावर धारदार शस्त्राने वार करून हल्ला चढविला. या त्याच्या मानेवर छातीवर आणि हातावर वार करून गमचे जखमी केले.
या घटनेची माहिती मिळाल्यानंतर कारागृह अधीक्षकांसह जेलमधील पोलीस कर्मचाऱ्यांनी घटनास्थळी धाव घेऊन त्याला तातडीने शासकीय वैद्यकीय महाविद्यालयात दाखल केले असता त्या ठिकाणी वैद्यकीय अधिकारी यांनी मृत घोषित केले.
दरम्यान, जिल्हा शासकीय वैद्यकीय महाविद्यालयात नातेवाईकांनी एकच गर्दी केली होती. शेवटचे वृत्त असे आले, तेव्हा जिल्हापेठ पोलीस ठाण्यात या घटनेबाबत गुन्हा नोंदवण्याचे काम सुरू होते.
