धुळे (प्रतिनिधी) तालुक्यातील शिरूड येथील परिसरात अज्ञात महिलेचा खून करून मृतदेह झाडाला टांगल्याची घटना आज सकाळी उघडकीला आली. महिलेचा विचित्र अवस्थेत मृतदेह आढळल्याने परिसरात एकच खळबळ उडाली आहे.
यासंदर्भात अधिक असे की, शिरूड (ता.धुळे) परिसरात सकाळी नागरीकांना महिलेचा मृतदेह झाडाला टांगलेल्‍या अवस्थेत आढळून आला. सदर महिलेच्या चेहऱ्यावर दगडाने मारल्‍यानंतर तिला साडीने गळफास दिलेला आहे. सदर महिला आदिवासी समाजाची असून साधारण चाळीस वर्ष वयोगटातील असल्‍याचा अंदाज आहे. घटनास्थळी पोलीस अधिकारी आणि कर्मचारी तसेच स्वान पथक व इतर तपास यंत्रणादेखील दाखल झाल्या आहेत. पंचनामा करून महिलेचा मृतदेह शवविच्छेदनासाठी पाठविण्यात आला असून पुढील तपास पोलीस करत आहे.
