चोपडा (प्रतिनिधी) धुळे परिसरात दि. 8 मे 2023 रोजी Macleod फार्मास्युटिकल लिमिटेड कंपनीतर्फे क्यू सी आणि प्रोडक्शन विभागासाठी घेण्यात आलेल्या मुलाखतीत चोपडा येथील शरदचंद्रिका सुरेश पाटील औषध निर्माण शास्त्र महाविद्यालयातील २३ विद्यार्थ्यांची निवड करण्यात आली आहे.
मुलाखतीत महाविद्यालयातील विद्यार्थ्यांनी सहभाग नोंदविला होता. त्यातून विराग आर. चौधरी, धीरज एस. पाटील, अजय एस.जाधव, निशांत एन. शर्मा, हिमांशू एस. पाटील आणि गोपाल डी. गोसावी या ६ विद्यार्थ्यांची प्रोडक्शन विभागात तर भाग्यश्री डी. पाटील व भूषण एस.चव्हाण या २ विद्यार्थ्यांची QC विभागात निवड झाली आहे.
तसेच नाशिक येथे आयोजित एडवांटमेंट फार्मा लिमिटेड कंपनीतर्फे मेडिकल कोडींग या डिपार्टमेंट साठी घेण्यात आलेल्या मुलाखतीत महाविद्यालयाचे एकूण 12 विद्यार्थ्यांची निवड झाली असून त्यामध्ये श्रेयस जोशी, तेजस गोसावी, लक्ष्मण चौधरी, सचिन निंबायत, पौर्णिमा ठाकूर, अश्विनी बालापुरे, दीपक माडी, प्रियंका पाटील, अश्विनी भोसले, अश्विनी पाटील, चंद्रकांत तायडे व निकिता पाटील यांची नियुक्ती करण्यात आली.
