जळगाव (प्रतिनिधी) अमळनेर येथे झालेल्या दंगलीत अटक केलेल्या संशयित तरुणाचा न्यायालयीन कोठडीत शासकीय रुग्णालयात उपचार घेताना मृत्यू झाला होता. याप्रकरणी मृत तरुणाच्या कुटुंबीयांच्या मागणीनंतर पुणे येथील अप्पर पोलिस महासंचालकांनी सीआयडी चौकशीचे आदेश दिले आहेत.
अमळनेर येथील दंगल प्रकरणी १० ते १४ जून दरम्यान पोलिस कोठडीत असलेले अशफाक शेख सलीम यांचा न्यायालयीन कोठडीत जाताच तीन तासांतच जिल्हा शासकीय रुग्णालयात मृत्यू झाला होता. याप्रकरणी संबंधित अधिकारी व पोलिस कर्मचारी यांना निलंबित करून सीआयडी चौकशी करण्याची मागणी एका शिष्टमंडळाने पोलिस अधीक्षक एम. राजकुमार यांची भेट घेऊन केली होती. त्यानुसार अप्पर पोलिस महासंचालक यांनी आदेश दिले आहेत.
नाशिक सीआयडीने पोलिस अधीक्षक जळगाव यांच्याकडील आरोपीचे इनकवेस्ट पंचनामा, पोस्टमार्टम रिपोर्ट व इतर सर्व कागदपत्रे ताब्यात घेऊन तपासाला सुरुवात करावी. तपास सर्वोच्च न्यायालयाने दिलेल्या गाइडलाइनप्रमाणे तसेच पोलिस महासंचालक यांचे १५ डिसेंबर २००५ १९७ ऑगस्ट २०२२ अन्वये दिलेल्या सूचनांचे अंमलबजावणी करून पूर्तता करावी असे आदेश अप्पर पोलिस महासंचालक यांनी दिले आहे. या बाबाबतचे लेखी पत्र जळगाव जिल्हा पोलिस अधीक्षक कार्यालयाला प्राप्त झाले आहे.
