जळगाव (प्रतिनिधी) शहरातील के.पी. प्राईड हॉटेलमधून सभास्थळी जाण्यास निघाल्यानंतर शेकडो पोलिसांनी शिवसेनेच्या फायरब्रँड नेत्या सुषमा अंधारे यांच्या गाडीला वेढा देऊन रोखले. यावेळी अंधारे या चांगल्याच संतापल्या. ‘मी दहशतवादी आहे की गुंड? माझा नेमका गुन्हा काय आहे?’ अशी विचारणा त्यांनी केली.
सुषमा अंधारेंच्या महाप्रबोधन यात्रेच्या दुसऱ्या टप्प्यात आज मुक्ताईनगरमध्ये सभा आयोजित केली होती. पण, पोलिसांनी त्यांच्या सभेला परवानगी नाकारल्यानंतर, त्यांनी ऑनलाइन सभा घेण्याचे ठरवले. पण, सभेला पोलिसांनी परवानगी नाकारल्याने अंधारेंनी ऑनलाइन सभा घेण्याचा निर्णय घेतला होता. मात्र, शरीराची शुगर लेव्हल अचानक कमी झाल्याने त्यांनी ऑनलाइन सभा रद्द केली. डॉक्टर हॉटेलमध्ये दाखल झाल्यानंतर सुषमा अंधारे यांची तपासणी केली. स्वत: अंधारे यांनीच याबाबतची माहिती दिली आहे. दरम्यान, गुलाबराव पाटील यांनी सुषमा अंधारे यांच्यावर बोचरी टीका करत ही महाप्रबोधन यात्रा नव्हे तर जाती-जातींमध्ये तेढ निर्माण करणारी यात्रा आहे. हे राष्ट्रवादीचं प्रॉडक्ट असल्याची टीका ना. गुलाबराव पाटील यांनी केली आहे.
