जळगाव (प्रतिनिधी) ‘व्‍हॅलेंटाईन विक’नुसार ‘प्रपोज डे’च्या निमित्ताने शहरातील फुले मार्केटमध्ये एका तरुणाने एका तरुणीला प्रपोज केले. परंतू नकार (Rejection)मिळताच तरुणाने नस कापून घेतली. यामुळे मार्केट (Jalgaon News) परिसरात चांगलीच खळबळ उडाली होती.
शहरातील एका तरुणाचे तरुणीवर प्रेम होते. त्यामुळे ‘व्‍हॅलेंटाईन विक’चे ‘प्रपोज डे’चे निमित्त साधून त्याने आपल्या प्रेम भावना व्यक्त केल्या. परंतू संबंधित नकार मिळताच नाराज झालेल्या तरुणाने फुले मार्केटमध्ये ब्लेडने स्वत:च्या हाताची नस कापली. यावेळी ती तरुणी देखील समोर उभी होती. तिच्याकडे पाहात असतानाच त्याने नस कापल्यामुळे या तरुणीला चांगलाच धक्का बसला. सदर प्रकार लक्षात येताच काही लोकांनी रक्तबंबाळ अवस्थेतील तरुणास शासकीय वैद्यकीय महाविद्यालय व रुग्णालयात (Jalgaon Medical Collage) दाखल केले. दरम्यान, या घटनेमुळे परिसरात प्रचंड खळबळ उडाली होती. पोलीस स्थानकातही याबाबत कोणतीही नोंद नव्हती.
