चोपडा (प्रतिनिधी) येथील महात्मा गांधी शिक्षण मंडळ संचलित,श्रीमती शरदचंद्रिका सुरेश पाटील तंत्रनिकेतन महाविद्यालयात सामाजिक वनीकरण विभाग चोपडा यांच्या संयुक्त विद्यमाने “एक पेड माँ के नाम” अभियान राबविण्यास सुरुवात केली असून आज संस्थेचे अध्यक्ष अँड. संदीप सुरेश पाटील व मंडळाच्या सचिव डॉ स्मिता संदीप पाटील व सामाजिक वनीकरण विभागाचे वनक्षेत्रपाल योगेश पुंडलिक सातपुते व वनपाल आर डी भांमरे उपस्थित होते.
यावेळी तंत्रनिकेतन विभागाचे प्राचार्य व्हीं एन बोरसे व तंत्रनिकेतन समन्वयक ए.एन.बोरसे सर्व विभाग प्रमुख शिक्षक शिक्षकेतर कर्मचारी व विद्यार्थी मिळून वृक्षारोपणाच्या अभियानाला सुरुवात केली. या अभियानात महाविद्यालयीन परिसर व चोपडा शहरातील विविध वसाहतीत जवळपास दहा हजार झाडे लावण्याचा मानस आहे. या प्रसंगी पर्यावरण प्रतिज्ञा म्हणून चांगले पर्यावरण हेच चांगले मानवी जीवन असा संदेश देण्यात आला.
