भुसावळ (प्रतिनिधी) शहरातील ट्रॉमा केअर सेंटरला पूर्ववत नॉन-कोविड (NON–COVID) सुविधा देण्यात यावी, अशी मागणी भारतीय जनता पार्टी वैद्यकीय आघाडी उत्तर महाराष्ट्र सहसंयोजक डॉ. नितू पाटील यांनी जळगाव जिल्हा चिकित्सक आणि पोलीस अधीक्षक यांना आज निवेदनाव्दारे केली आहे.
भुसावळ येथील ग्रामीण रुग्णालया मध्ये सध्या कोरोना संक्रमित रुग्ण आहेत. मागील आठवड्यापासून त्यांची संख्या पण ४ ते १० च्या आतच आहे. ट्रॉमा केअर सेंटरची पूर्ण वास्तू फक्त करोना चाचणीसाठी (RTPCR) वापरण्यात येत आहे.मागील १५ दिवसांमध्ये दररोज फक्त ५ ते १५ असेच रुग्ण तपासणीसाठी येत असून,या रुग्णांसाठी संपूर्ण ट्रॉमा केअर सेंटरची बिल्डिंग अडकवणे निश्चितच संयुक्तिक नाही. सदर तपासणी हि ग्रामीण रूग्णालया मध्ये सुद्धा करता येण्यासारखी आहे. यामुळे जे इतर कॉविड सोडून आजारी रुग्ण आहेत त्यांची यामुळे होणारी गैरसोय थाबेल.त्यांना ट्रौमा केअर सेंटर मधेच उपचार मिळतील आणि त्यांच्या पुढे जाण्याचा शाररीक त्रास आणि आर्थिक त्रास पण वाचेल.शिवाय आरोपी,जेल मधील कैदी यासाठी पोलिसांना शिरसोलीरोड वरील रुग्णालयात जाण्याचा पण त्रास आणि वेळ वाचेल. तसेच ग्रामीण रुग्णालयात सर्व करोना रुग्णासाठी चाचणी,तपासणी,भरती करावी. ट्रौमा केअर सेंटरमध्ये इतर रुग्णासाठी उपचाराची सोय करावी आणि जनतेच आणि पोलिसांचा त्रास वाचवावा. असे निवेदनात म्हटले आहे.
