जळगाव (प्रतिनिधी) शहरातील एका महिला डॉक्टरने माझ्याविरुद्ध दाखल विनयभंगचा गुन्हा खोटा आणि बनावट असल्याचा खुलासा अनिल जीवन पाटील यांनी एका प्रसिद्धी पत्रकाद्वारे केला आहे.
प्रसिद्धी पत्रकात अनिल पाटील यांनी म्हटले आहे की, दि. 16 जून 2023 रोजी राज्य कामगार विमा योजना सेवा दवाखाना क्र. 2 जळगाव येथे मा. खासदार साहेब व शिष्टमंडळाचे विशिष्ट भेटीत कामगारांसह मी कामगारांचे प्रश्न मांडण्यासाठी उपस्थित होतो. कामगारांचे प्रश्न मा. खासदारांना सांगीतले व त्यानंतर त्याठिकाणी विमा कामगारांच्या कुटुंबिय महिला सुध्दा हजर होत्या. त्यानंतर खासदार साहेबांसह पुर्ण शिष्टमंडळ तेथून निघून गेले. त्यानंतर महिला डॉक्टरने माझ्यावर खोटे आरोप केले व एमआयडीसीत कोणत्या तरी मोठया राजकीय व्यक्तीचा उपयोग माझ्या विरूध्द गुन्हा दाखल केला असल्याचेही अनिल पाटील यांनी म्हटले आहे.
