बोदवड (प्रतिनिधी) येथील भंगार व्यवसाय करणाऱ्यास सापडलेला सुमारे २५/२६ हजार रुपयांचा महागडा मोबाईल मालकास परत देऊन प्रामाणिकपणाने उदाहरण दिले आहे.
बोदवड येथील भंगारसामानाचा किरकोळ व्यवसाय करणारे सिकंदर मोमिन गल्लों गल्ली फिरत भंगार खरेदी करण्याचा व्यवसाय करत असतात. त्यांना उजनी रोड वर गजानन महाराज मंदिर परिसराकडे जात असताना रस्त्यावर मोबाईल पडलेला दिसला. मोबाईल नवीन व खूप महाग असल्याचे त्याचे लक्षात आल्यावर त्यांनी तात्काळ शहरातील त्याचे मित्र शांतारामभाऊ कोळी, अप्पू भांजा, कलीम शेख यांच्याशी संपर्क साधत मोबाईल विषयी सांगितले. या सर्वांनी मोबाईलवरील माहिती पाहून करत मूळ मालकाचा शोध घेतला. यानंतर तो मोबाईल रफ़ीक मन्यार यांचा असल्याचे स्पष्ट झाले. यानंतर या कार्यकर्त्यांच्या उपस्थितीत मूळ मालकास मोबाईल परत करण्यात आला. या प्रामाणिकपणा बद्दल सर्वांनी सिकंदर मोमीन यांचे कौतुक केले आहे.
