नवी दिल्ली (वृत्तसंस्था) गेल्या २४ तासांत आदल्या दिवसाच्या तुलनेत कोरोनाबाधितांच्या संख्येत १० हजारांनी घट झाली आहेच, मात्र गेल्या ७५ दिवसातील ही निचांकी आकडेवारी ठरली आहे. गेल्या २४ तासांत ६० हजार ४७१ नवीन कोरोनाबाधित रुग्णांची नोंद झाली. तर २ हजार ७२६ कोरोनाग्रस्तांना प्राण गमवावे लागले आहेत.
केंद्रीय आरोग्य मंत्रालयाच्या दिलेल्या माहितीनुसार, भारतात कोरोनाचे ६०,४७१ नवीन रुग्ण आढळले आहेत. ही ७५ दिवसानंतरची सर्वात कमी रुग्णसंख्या आहे. तर २,७२६ रुग्णांचा कोरोनामुळे मृत्यू झाला आहे. तर १,१७,५२५ रुग्णांनी कोरोनावर मात केली आहे. आतापर्यंत देशात २,९५,७०,८८१ कोरोना बाधीतांची नोंद झाली आहे. यापैकी, ३,७७,०३१ जणांचा कोरोनामुळे मृत्यू झाला आहे. तर २,८२,८०,४७२ रुग्णांनी कोरोनावर मात केली आहे. तर देशात आता ९,१३,३७८ रुग्णांवर उपचार सुरु आहेत. भारतात सध्या रिकवरी दर ९५.६४ टक्के आहे.
गेल्या २४ तासांत कोरोनाची सर्वाधिक प्रकरणे नोंदविणारी पहिली पाच राज्यात तामिळनाडूत १२,७७२, रुग्ण आढलले. त्याखालोखाल महाराष्ट्रात ८,१२९, केरळमध्ये ७,७१९, कर्नाटकमध्ये ६,८३५ आणि आंध्र प्रदेशमध्ये ४५४९ रुग्ण आढळले आहेत. गेल्या २४ तासांत कोरोनाचे जवळपास ६६ टक्के नवीन रुग्णांची नोंद या पाच राज्यांमधून झाली आहे.
राज्यात सर्वाधिक मृत्यू
गेल्या २४ तासांत भारतामध्ये २,७२६ मृत्यूची नोंद झाली आहे. यामध्ये महाराष्ट्रात सर्वाधिक १,५९२ रुग्णांचा मृत्यू झाला आहे. दरम्यान कोरोनाला रोखण्यासाठी देशात लसीकरण सुरु आहे. आतापर्यंत २५,९०,४४,०७२ नागरींकाना लस देण्यात आली आहे.
