मुक्ताईनगर (प्रतिनिधी) मुक्ताईनगर विधानसभा मतदारसंघात राष्ट्रवादी काँग्रेस शरदचंद्र पवार पक्षाने गाव भेट संवाद दौऱ्याचे आयोजन केले आहे. या दौऱ्याअंतर्गत मुक्ताईनगर तालुक्यातील पूर्णाड, मेंढोदे खडकाचे, उचंदे, शेमळदे, मेंढोळदे, पंचाणे, मेळसांगवे या गावात राष्ट्रवादी काँग्रेस शरदचंद्र पवार पक्षाच्या पदाधिकाऱ्यांनी ग्रामस्थांसोबत संवाद साधला. ग्रामस्थांच्या अडीअडचणी समस्या जाणून घेऊन आपल्या पक्षाचे विकास कामे ,ध्येय धोरणे विषद केले.
यावेळी माजी महसूल मंत्री आ. एकनाथराव खडसे, जेष्ठ नेते रविंद्र भैय्यासाहेब पाटील, राष्ट्रवादी महिला काँग्रेस शरदचंद्र पवार पक्षाच्या प्रदेशाध्यक्ष रोहिणी खडसे यांची प्रमुख उपस्थिती होती. शेतकऱ्यांप्रती असलेल्या अनास्थेमुळे सत्ताधाऱ्यांनी घोषणा करून सुद्धा केळी विकास महामंडळ स्थापन केले नसल्याचे एकनाथ खडसे म्हणाले.
याप्रसंगी ग्रामस्थांसोबत संवाद साधताना रोहिणी खडसे म्हणाल्या आ. एकनाथराव खडसे यांच्या माध्यमातून आपल्या परिसरात मुलभूत सुविधांची अनेक कामे झाली भविष्यात सुद्धा ग्रामस्थांच्या मागणीनुसार कामे करण्यासाठी आम्ही वचनबद्ध आहोत. या परिसरातील ग्रामस्थ स्व.प्रल्हाद पाटिल, स्व. पंढरी पाटील, स्व. शामरावजी तराळ यांच्या मार्गदर्शनाखाली शरद पवार यांच्या विचारांचे पाईक राहिले असुन नेहमी राष्ट्रवादी काँग्रेस पक्षाला साथ दिली आहे. म्हणूनच आपल्या परिसराची तालुक्यात शरद पवार यांचा राष्ट्रवादी काँग्रेसचा बालेकिल्ला म्हणुन ओळख आहे. या निवडणुकीत सुद्धा आ.एकनाथराव खडसे , रविंद्र भैय्यासाहेब पाटिल आणि सर्व जेष्ठ श्रेष्ठांच्या मार्गदर्शनाखाली आपण सर्व एकजुटीने कार्य करून राष्ट्रवादी काँग्रेस शरदचंद्र पवार पक्षाचे ध्येय धोरणे, विकासकामे तळागाळातील शेवटच्या घटकापर्यंत पोहचवू आणि मुक्ताईनगर मतदारसंघावर राष्ट्रवादी काँग्रेस शरदचंद्र पवार पक्षाचा झेंडा फडकावून शरदचंद्र पवार साहेबांचे हात बळकट करू असे त्यांनी उपस्थितांना आवाहन केले.
