भुसावळ (प्रतिनिधी) तालुक्यातील गोजोरा शिवारातून चोरट्यांनी २० हजार रुपये किमतीचे दोन बोकड लांबवले असून हा चोरीचा प्रकार १४ रोजी सकाळी ७ ते १० वाजेदरम्यान घडला.
याप्रकरणी रविवारी अज्ञात चोरट्याविरोधात भुसावळ तालुका पोलिसात गुन्हा दाखल करण्यात आला. या संदर्भात गोजोरा येथील सुरेश भिका सुरवाडे यांनी तक्रार दिली आहे. मंगळवारी गोजोरा शिवारात पाळीव प्राण्यांना चराईसाठी नेल्यानंतर सकाळी ७ ते १० वाजेदरम्यान प्रत्येकी १० हजार रुपये किमतीचे दोन बोकड चोरट्यांनी चोरून नेले आहेत. तपास पोलीस निरीक्षक बबन जगताप यांच्या मार्गदर्शनात हवालदार दीपक जाधव करत आहेत.
