जळगाव (प्रतिनिधी) शासकीय वैद्यकिय महाविद्यालय व रुग्णालयात रुग्णांच्या गाठींची तपासणीसाठी वापरण्यात येणारे किट मुदतबाह्य असल्याची धक्कादायक बाब उघड झाली आहे. प्रशिक्षणार्थी जिल्हाधिकारी अर्पित चव्हाण व अन्न, औषध प्रशासनाच्या अधिका-यांनी शनिवारी महाविद्यालयाच्या पॅथोलॉजी विभागात जाऊन तपासणी केली असता हा प्रकार समोर आला. अॅड. पियुष नरेंद्र अण्णा पाटील यांनी याबाबत तक्रार दिली होती.
अॅड. पियुष नरेंद्र अण्णा पाटील यांनी या दि. १० रोजी जिल्हाधिकारी आयुष प्रसाद यांच्याकडे शासकीय वैद्यकीय महाविद्यालयात सुरू असलेल्या मुदतबाह्य औषधी व कीटचा वापरासंबंधी लेखी स्वरूपात तक्रार केली होती. यामध्ये त्यांनी शासकीय वैद्यकीय महाविद्यालयातील पॅथॉलॉजी लॅब येथे रुग्णाच्या शरीरावरील गाठीचे निदान होण्यासाठीचे किट हे जुलै २०२२ पासून एक्सपायर असून गेल्यावर्षभरापासून या किटद्वारेच रुग्णांच्या गाठीचे निदान केले जात आहे. तसेच रुग्णांच्या जीवाशी अशाप्रकारे खेळले जात असल्याचे जिल्हाधिकाऱ्यांच्या निदर्शनास आणून दिले होते.
धाड टाकल्यानंतर २७०० रुग्णांच्या गाठीचे निदान करण्यासाठी कालबाह्य कीट वापरण्यात आले आहे. या सोबतच इतर विविध तक्रारीनंतर जिल्हाधिकायांनी गंभीर आजारांवरील औषधी देखील कालबाह्य कीट असल्याचे प्रथमदर्शनी आढळून आले. त्याचप्रमाणे कोविड काळातील महत्त्वपूर्ण औषधी देखील कालबाह्यपणे वापरण्यात येत असल्याचे आढळून आले. मुदत संपलेल्या औषधी या तीन महिन्याच्या आत नष्ट करणे यांच्या पथकाकडून शासकीय वैद्यकीय गरजेचे असताना देखील स्टॉकमध्ये असलेल्या मुदत बाह्य औषधी साठा व कीट आढळून आल्याची तक्रार अॅड. पियुष नरेंद्रअण्णा पाटील यांनी जिल्हाधिकाऱ्यांकडे केली होती. दरम्यान, जप्त किटचा वापर रुग्णांसाठी होत नसल्याचा दावा ‘जीएमसी’ने केला आहे.
