मुंबई (वृत्तसंस्था) राष्ट्रवादीचे अध्यक्ष शरद पवार यांना धमकीचा फोन आल्यामुळे खळबळ उडाली आहे. कुर्डुवाडी येथे दौऱ्यासाठी येऊ नये असा फोन पवारांना आल्याचे वृत्त समोर येताच प्रचंड खळबळ उडाली होती. पण या बातमीचं खुद्द शरद पवार यांनीच खंडन केले आहे. अगदी कुर्डुवाडीचा त्यांचा दौराही त्यांनी ठरल्याप्रमाणे केला आहे.
शरद पवार आज कुर्डुवाडीच्या दौऱ्य़ावर होते. या दौऱ्याला पवारांनी येू नये, अशा आशयाची धमकी त्यांना एका अज्ञात इसमाने दिल्याची अफवा पसरलेली होती. मुंबई पोलीस कंट्रोल रूमकडे धमकीचा फोन आल्याची बातमी होती. पण मुंबई पोलिसांनी देखील हे वृत्त फेटाळले आहे. शरद पवार यांना धमकीचा फोन आल्याची बातमी व्हायरल होताच राजकीय वर्तुळात खळबळ उडाली होती. पण नंतर शरद पवारांनीच याचं खंडन केलं आहे. शरद पवार सोलापूरच्या कुर्डुवाडीच्या दौऱ्यावर आहेत. यावेळी त्यांनी येथे पत्रकार परिषद देखील घेतली.
