पुणे (वृत्तसंस्था) रात्री उशिरा ऑनलाईन सिगारेट ऑर्डर केल्याने एका तरुणीला एका वाईट अनुभवाला समोरं जावं लागलंय. रात्री उशिरा सिगारेटची डिलिव्हरी घेऊन आलेल्या डिलिव्हरी बॉयने तरुणीसमोर हस्तमैथुन केल्याचा घृणास्पद प्रकार घडला आहे.
डंझो अॅपमार्फत तिने ही ऑर्डर प्लेस केली. यानंतर डिलिव्हरी बॉय पाकिट घेऊन आला. मात्र, ऑर्डर स्वीकारायला गेलेल्या तरुणीला आलेल्या अनुभवाने पुणे पोलीस देखील हैराण झाले. रात्री उशीरा डिलिव्हरी बॉयने चक्क तरुणीसमोर येत हस्तमैथुन करायला सुरुवात केली. कोंढव्यातील एका तरुणीसोबत हा प्रकार घडला आहे. संबंधित ३० वर्षांच्या तरुणीने कोंढवा पोलीस ठाण्यात तक्रार दिली आहे. त्यावरुन पोलिसांनी जोगेंदर बिंद्रा (वय ४०) या डिलिव्हरी बॉयवर गुन्हा दाखल केला.
कोंढव्यात राहणाऱ्या एका तरुणीने रात्री उशिरा डंझो अॅपद्वारे सिगारेटची ऑर्डर दिली. ही ऑर्डर देण्यासाठी डिलिव्हरी बॉय पहाटे पावणेतीन वाजता या तरुणीच्या घरी पोहोचला. त्याने बेल वाजवली आणि तरुणीने दरवाजा उघडला. यानंतर डिलिव्हरी बॉयने थेट तरुणीच्या समोरच हस्तमैथुन करायला सुरुवात केली. तरुणीने तत्काळ पोलिसांना संपर्क साधत या प्रकरणाची माहिती दिली. कोंढवा पोलीस या घटनेचा पुढील तपास करत आहेत.
