चाळीसगाव (प्रतिनिधी) श्रीक्षेत्र पोहरादेवी येथे बंजारा समाजासाठी प्रथमच देशातला सर्वात मोठा पंचधातु पासुन निर्मीत संत सेवालाल महाराज यांचा अश्वारूढ पुतळा, सेवाध्वज स्थापना, पोहरादेवी व उमरी या तिर्थक्षेत्राचा कायापालट करणारा ५९३ कोटी रुपयांच्या विविध विकास कामांचा भूमिपूजन सोहळा येणाऱ्या १२ फेब्रुवारी २०२३ रोजी राज्याचे मा. मुख्यमंत्री ना. श्री. एकनाथजी शिंदे साहेब व उपमुख्यमंत्री देवेंद्र फडणवीस आणि राज्याच्या मंत्री मंडळातील मंत्री महोदय यांचे उपस्थितीत संपन्न होणार आहे.
या भव्य दिव्य गौरवशाली सोहळयात बंजारा समाजातील भाविकांची किमान ५० वाहने पाठविण्यात येतील असा शब्द चाळीसगाव येथे राज्याचे कॅबिनेट मंत्री संजयभाऊ राठोड यांचे उपस्थितीत सहविचार सभेत आमदार मंगेशदादा चव्हाण यांनी दिला होता. दिलेला शब्द पाळत व आपल्या जबाबदारीची जाणीव ठेवत आमदार मंगेशदादा चव्हाण यांच्या माध्यमातून दि.११ रोजी रात्री चाळीसगाव शिवनेरी पार्क येथून १२०० हुन अधिक भाविक पोहरादेवी कडे रवाना झाले. या वाहनांना शिवनेरी फाऊंडेशनच्या अध्यक्षा सौ.प्रतिभाताई चव्हाण, माजी जि प सभापती राजुभाऊ राठोड यांनी सेवालाल महाराज झेंडा दाखवून वाहनांचा ताफा रवाना केला. जय सेवालाल बोलो… पोहरादेवी चालो… सेवालाल महाराज की जय अश्या जयघोषात यावेळी वातावरण दुमदुमून गेले होते.
