मुंबई (वृत्तसंस्था) तालिबानी दहशतवाद्यांनी अफगाणिस्तानचा ताबा मिळवल्यानंतर तेथील नागरिकांनी देश सोडण्यास सुरुवात केली आहे. या दहशतवाद्यांपासून जीव वाचवण्यासाठी अमेरिकेत जाणाऱ्या विमानाला लटकलेल्या तीन जणांचा खाली पडल्यानं मृत्यू झाला होता. या मृत व्यक्तींमध्ये अफगाणिस्तानच्या प्रसिद्ध फुटबॉलपटूचाही समावेश असल्याचे आता उघड झाले आहे.
फुटबॉलपटू झाकी अनवारी याचा अमेरिकेतील विमानातून पडल्यानं मृत्यू झाला आहे. झाकी अनवारी हा अफगाणिस्तानचा युवा फुटबॉलर होता. त्याचा मृत्यू सोमवारी १६ ऑगस्ट रोजी विमानातून कोसळून अपघाती मृत्यू झाला आहे. झाकी अमेरिकेतील सैन्य विमानातून खाली कोसळला होता. झाकीच्या मृत्यूची माहिती अफगाण राष्ट्रीय फुटबॉलटीमच्या फेसबुक अकाऊंटवरून १८ ऑगस्ट रोजी देण्यात आली. अनवारी त्या हजारो अफगाणिस्तानांपैकी एक होता जे सोमवारी हामादि करजई आंतरराष्ट्रीय एअरपोर्टवर पोहोचले होते.
विमानात बसण्यासाठी एकच गोंधळ उडाला. तालिबानी लोकांच्या भितीने अनेकजण विमानाच्या चाकांवर बसले. १६ ऑगस्ट रोजी तालिबानने अफगाणिस्तानची राजधानी काबुलवर कब्जा केला. यावेळी विमानावर बसलेल्या तिघांचा मृत्यू झाला. त्यामध्ये झाकीचा देखील समावेश होता. जे विमानाच्या चाकावर बसले होते. अनवारी अफगाण राष्ट्रीय युवा फुटबॉल टीममधून खेळत असे.
