नागपूर (वृत्तसंस्था) फेसबुकच्या माध्यमातून मैत्री करून नंतर काढलेले अश्लील छायाचित्र व्हायरल करण्याची धमकी देऊन तरुणीवर अत्याचार करण्यात आल्याची धक्कादायक घटना नागपूरमध्ये घडली आहे. जगदीश केशव आर्वीकर (वय २३, रा. नाईक तलाव) असे आरोपीचे नाव आहे.
पीडित १९ वर्षीय तरुणीला एप्रिल २०१८मध्ये जगदीश याने तरुणीला फेसबुकवर फ्रेण्ड रिक्वेस्ट पाठवली होती. त्यानंतर दोघांमध्ये मैत्री झाली. त्यानंतर एकेदिवशी जगदीश याने पिडीत तरुणीला फुटाळा तलावाजवळ भेटायला बोलाविले. त्यावेळी जगदीश याने पिडीत तरुणीला लग्नाचे आमिष दाखवण तिच्यासोबत छायाचित्र काढले. त्यानंतर घरी कोणी नसताना तो एकेदिवशी तरुणीच्या घरी गेला. तिच्यावर अत्याचार कार तरुणीचे अश्लील छायाचित्रही काढले. हे छायाचित्र व्हायरल करण्याची धमकी देऊन तो तरुणीवर सतत अत्याचार करायला लागला. यानंतर धक्कादायक म्हणजे त्याने तरुणीच्या लहान बहिणीबाबतही अधिक विचारपूस करायला सुरुवात केली. त्यानंतर मात्र, पिडीत तरुणीने आईला सर्व हकीगत सांगितले. याप्रकरणी पोलिसांनी गुन्हा दाखल केला असून आरोपीला अटक केली आहे.
