धरणगाव (प्रतिनिधी) – शोषितांचा आक्रोश आपल्या लेखणीतून आणि शाहिरीतून मांडणारे थोर समाजसेवक, साहित्यरत्न लोकशाहीर आण्णाभाऊ साठे यांच्या पुण्यतिथीनिमित्त येथील ‘मोठा माळी वाडा’ परिसरात मातंग समाजाच्या वस्तीत असलेले स्मारक येथे अभिवादन करण्यात आले.
याप्रसंगी प्रभाग क्रमांक १ चे कर्तव्यदक्ष नगरसेवक लक्ष्मणभाऊ माळी यांनी समाजबांधवांच्या वतीने स्मारकास पूजन करून अभिवादन करण्यात आले. माळी समाजाचे माजी सचिव दशरथ बापू महाजन व माळी समाजाचे ज्येष्ठ पंच रवा आप्पा महाजन यांच्या हस्ते संपन्न झाले.
या अभिवादन सोहळ्याला कैलासभाऊ महाजन, फकीरा जाधव, राजू जाधव, विजय जाधव, गजाननभाऊ महाजन, आकाश महाजन, किशोर जाधव, कांतीलाल महाजन, भागवत महाजन, कैलास काका, प्रवीणभाऊ यांच्यासह परिसरातील व माळी समाजातील बहुसंख्य समाजबांधव मोठ्या संख्येने उपस्थित होते.
