जळगाव (प्रतिनिधी) शहरातील पोलन पेठेतील एका दुकानातून २ लाख ५४ हजार रुपये लांबविल्याची घटना उघडकीस आली आहे. याप्रकरणी जळगाव शहर पोलिसात गुन्हा दाखल करण्यात आला आहे.
सविस्तर वृत्त असे की, शहरातील मुख्य बाजार पेठेतील पोलन पेठे भागात महाराष्ट्र फटाका या दुकानातून दि ५ रोजी संध्याकाळी ते दि ६ रोजीच्या सकाळच्या दरम्यान कुणीतरी अनोळखी व्यक्तीने दुकानातील कापडी पिशवीत असलेले २ लाख ५४ हजार रुपये चोरून नेल्याची घटना उघडकीस आली. यानंतर दुकान मालक शब्बीर इलियास अमरेली यांनी दि ८ रोजी जळगाव शहर पोलीसात धाव घेत अनोळखी विरोधात गुन्हा दाखल केला आहे. याप्रकरणी पुढील तपास पो.ना. विजय निकुंभ हे करीत आहेत.
