अमळनेर (प्रतिनिधी) शहरातून दोन अल्पवयीन मुली प्रियकरांसोबत रफूचक्कर झाल्याचे समोर आले आहे. एकीने तर चक्क घरातील सोन्या- चांदीच्या दागिन्यांसह रक्कमदेखील सोबत नेली आहे. मुली अल्पवयीन असल्यामुळे संबंधित तरुणांविरुद्ध अपहरणाचा गुन्हा नोंदविण्यात आला आहे.
पुणे येथे राहणारी एक अल्पवयीन मुलगी नातेवाईकांकडे आली होती. १० रोजी संध्याकाळी ५ वाजता मुलगी कपडे शिवून येते, असे सांगून घरातून निघून गेली. तिचा शोध घेतला असता ती सापडली नाही. पुणे येथे राहणाऱ्या जळगाव जामोद येथील मूळ रहिवासी असिफ तडवी (सुनसगाव) यानेच तिला पळवून नेल्याची फिर्याद मुलीच्या आईने दिली आहे. शहरातील एक अल्पवयीन मुलगी १६ रोजी सकाळी शाळेत गेली ती आलीच नाही. तिने घरातील ९० हजार रुपये आणि दागिने नेल्याचे निदर्शनास आले. त्याचवेळी सुरेश सोमा कोळी हा तरुणदेखील बेपत्ता झाल्याचे समजले.
