धरणगाव (प्रतिनिधी) तालुक्यातील पाळधी बु व अनोरा येथून मोटारसायकली चोरी झाल्याची घटना उघडकीस आली आहे. याप्रकरणी धरणगाव पोलिस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात विनोद सोनजी चनाल (वय ४२, रा. टाकरखेडे ता. एरंडोल) यांनी दिलेल्या फिर्यादीनुसार, दि. १४ मे २०२२ रोजी दुपारी १.३० वाजेपासून ते ३.३० वाजेच्या दरम्यान कोणीतरी अज्ञात चोरट्याने तालुक्यातील पाळधी बु येथील सुगोकी हॉटेल रोडच्या बाजूला उभी असलेली २५ हजार रुपये किंमतीची हिरो कंपनीची फॅशन प्रो मोटारसायकल (क्र. एम.एच.डी.ई ३३३९) चोरून नेली आहे. याप्रकरणी धरणगाव पोलीस स्टेशन अंतर्गत पाळधी दूरक्षेत्रात अज्ञात चोरट्याविरुद्ध गुन्हा दाखल करण्यात आला आहे. तसेच पुढील तपास पो.ना ऊमेश भालेराव हे करीत आहेत.
अनोरा येथून मोटारसायकल चोरी
परमेश्वर मधुकर पाटील (वय ४३, सातरणे ता. धुळे) यांनी दिलेल्या फिर्यादीनुसार, दि. १ मे २०२२ रोजी १२ वाजेपासून ते ५.३० वाजेच्या दरम्यान धरणगाव तालुक्यातील अनोरा गावी महादेव मंदिराजवळ कोणीतरी अज्ञात चोरट्याने ५० हजार रुपये किंमतीची होंडा शाईन कंपनीची मोटारसायकल (क्र CJ ०५ MD २११५) काळ्या रंगाची चोरून नेली आहे. याप्रकरणी धरणगाव पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास पो.हे.कॉ ईश्वर शिंदे हे करीत आहेत.
