जळगाव (प्रतिनिधी) मरी माताच्या भंडाराऱ्याची वर्गणी का घेतली नाही असे विचारण्याच्या कारणावरून तरुणासह त्याच्या चुलत मामाला चौघांनी शिवीगाळ करत लोखंडी पाईप मारून गंभीर दुखापत केल्याची घटना शुक्रवारी १६ ऑगस्ट रोजी रात्री ११ वाजता असोदा गावातील भीलवाडा चौकात घडली आहे. याप्रकरणी शनिवारी १७ ऑगस्ट रोजी दुपारी ४ वाजता जळगाव तालुका पोलीस ठाण्यात ४ जणांविरोधात गुन्हा दाखल करण्यात आला आहे.
जळगाव तालुक्यातील आसोदा गावात रमेश राजू भील हा तरुण आपल्या परिवारासह वास्तव्याला आहे. शुक्रवारी १६ ऑगस्ट रोजी रात्री ११ वाजता रमेश हा त्याचा चुलत मामा रवींद्र भील याच्यासोबत गावातील भीलवाडा येथे बसलेले असताना गावात राहणारे किरण प्रभाकर भिल, कैलास पंडित सोनवणे, अजय रामू भील, चंदू रामू भील सर्व रा. आसोदा ता.जळगाव यांनी शिवीगाळ करत लाथा बुक्क्यांनी बेदम मारहाण केली. तसेच एकाने दोघांच्या डोक्यात लोखंडी पाईप टाकून गंभीर दुखापत केल्याची घटना घडली. दरम्यान याबाबत शनिवारी १७ ऑगस्ट रोजी दुपारी ४ वाजता जळगाव तालुका पोलीस ठाण्यात चौघांवर गुन्हा दाखल करण्यात आला. पुढील तपास पोलीस हेडकॉन्स्टेबल विलास शिंदे करीत आहे.
