जळगाव (प्रतिनिधी) बांभोरी जवळ दुचाकीला अज्ञात वाहनाने दुचाकीला जोरदार धडक दिली. त्यात विधी अधिकारी जागीच मृत्यू झाला असून पोलीस कर्मचारी जखमी झाला आहे. दरम्यान, दुचाकीला धडक देणाऱ्या वाहन चालकाने घटनास्थळाहून वाहनासह पलायन केले आहे.
याबाबत वृत असे की, जिल्हा पोलीस दलात विधी अधिकारी म्हणून कार्यरत असणारे दुर्गादासगिरी गोसावी (रा. पाचोरा) आणि शनिपेठ पोलीस स्थानकात कार्यरत संदीप भीजन पाटील (रा. पोलीस वसाहत, जळगाव) हे आज सकाळी दुचाकीने जळगावकडून पारोळ्याकडे कामानिमित्त जात होते. बांभोरी जवळ त्यांना एका अज्ञात वाहनाने धडक दिली. यात दुर्गादासागिरी गोसावी हे जागीच ठार झाले असून संदीप भीकन पाटील हे जखमी झाले आहेत. त्यांना उपचारासाठी रुग्णालयात दाखल करण्यात आले आहे. या अपघाताची माहिती मिळताच पोलीस दलातील अधिकारी व कर्मचाऱ्यांनी जिल्हा रुग्णालयात धाव घेतली. शेवटचे वृत हाती आले तेव्हा दुर्गादासगिरी गोसावी यांचे पार्थिव जिला रूग्णालयात आणण्यात आले होते. दरम्यान, या दोन्ही पोलीस कर्मचाऱ्यांच्या दुचाकीला धडक देणाऱ्या वाहन चालकाने घटनास्थळाहून वाहनासह पलायन केले असून आता वाहन चालकाचा शोध घेतला जात आहे.
