जळगाव (प्रतिनिधी) येथील मोहाडी रोडवर राहणारा तरुणाची दुचाकी दुकानासमोरील छोटा बगिचा असलेल्या गेटच्या समोर उभी केली असता अज्ञात चोरट्यांनी चोरून नेल्याचा प्रकार गणपती नगरात घडला. याप्रकरणी रामानंदनगर पोलीस ठाण्यात अज्ञात चोरट्यांविरूध्द गुन्हा दाखल करण्यात आला आहे.
याबाबत वृत्त असे की, लोकेश ताराचंद कपलानी (वय-१७ रा. आनंद नगर मोहाडीरोड) हा तरूण २१ फेब्रुवारी रोजी कामाच्या निमित्ताने जळगाव शहरातील गणपती नगरातील सुरेश फुड वर्ड दुकानात दुचाकी (एमएच १९ सीएच ५२०२) ने गेला. दुचाकी दुकानासमोरील छोटा बगिचा असलेल्या गेटच्या समोर उभी केली होती. दुकानातून सामान घेवून घरी परत जाण्यासाठी गेले असता अज्ञात चोरट्यांनी मोटारसायकल चोरून नेल्याचे निदर्शनास आले. परिसरात शोध घेवूनही मिळून आली नाही. याप्रकरणी लोकेश कपलानी यांच्या फिर्यादीवरून रामानंदनगर पोलीसात गुन्हा दाखल करण्यात आला आहे. याप्रकरणी पुढील तपास पोलीस नाईक चंद्रकांत पाटील करीत आहे.
