चाळीसगाव (प्रतिनिधी) वाघले कोंगानगर येथे शेतात कापूस लावणी करत असताना वीज पडल्यामुळे दशरथ उदल पवार (24), लखन दिलीप पवार (14), समाधान प्रकाश राठोड (09)या तीन तरुणांचा जागीच मृत्यू झाल्याची घटना अतिशय दुःखदायक आहे. या घटनेत उदल गणपत पवार व दिलीप उदल पवार हेदेखील गंभीर झखमी झाले असून त्यांच्यावर खाजगी रुग्णालयात उपचार सुरू आहेत.
घटनेची माहिती मिळताच तात्काळ सिव्हिल हॉस्पिटलमध्ये जाऊन चौकशी केली व ग्रामस्थांचे सांत्वन केले. पंचनामे व इतर प्रशासकीय बाबी तात्काळ पूर्ण करून सदर मयतांच्या वारसांना तातडीने शासकीय मदत मिळवून देण्याच्या सूचना दिल्या.
या दुर्दैवी घटनेत मृत्युमुखी पडलेल्या सर्व मृतात्म्यांना चिरशांती लाभो व जखमींना लवकरात लवकर आराम पडो हीच ईश्वरचरणी प्रार्थना..!
- आमदार मंगेश रमेश चव्हाण
