धरणगाव (प्रतिनिधी) शिंदखेडा तालुक्यातील परसोडे येथील प्रगतिशील शेतकरी नंदलाल भास्कर जाधव यांची कन्या विद्या जाधव हिने पहिल्याच प्रयत्नामध्ये पोलीस उपनिरीक्षक या पदाची परीक्षा उत्तीर्ण केली आहे.
विद्या हिने दोंडाईचा येथील दादासाहेब रावल कॉलेजमध्ये बीएसस्सी (मॅथेमॅटिक्स) पदवी पूर्ण केल्यानंतर स्पर्धा परीक्षेच्या अभ्यासासाठी पुणे गाठले. विद्याने जिद्द, परिश्रम घेत व चिकाटीने अभ्यास करून पहिल्याच प्रयत्नामध्ये पोलीस उपनिरीक्षक पदाची परीक्षा उत्तीर्ण केली. यासाठी तिला उमेश कुदळे, महेश पाटील, उत्तम पवार या शिक्षकांचे मार्गदर्शन लाभले.
विद्या हीने उज्वल यश संपादन केल्याबद्दल तिचे पंचक्रोशीतील नागरिकांनी, माता-पिता, मित्र परिवाराने यांनी तिचे खूप खूप अभिनंदन करून शुभेच्छा दिल्या. तसेच भगवती मेडीलकल सोनवद ता. धरणगाव चे भाऊसाहेब पाटील, व प्रेमराज पाटील, डॉ. नितीन पाटील, चंद्रशेखर भाटिया, बाळ आबा पाटील, दिलीप आण्णा धनगर, उज्वल पाटील, पत्रकार विकास पाटील या सर्वांनी विद्या हीने प्रतिकूल परिस्थितीत घेतलेल्या यशाचे कौतुक करून तिला पुढील वाटचालीसाठीशुभेच्छा दिल्यात.
