चोपडा (प्रतिनिधी) गावातील चौकात अवैधपणे गावठी पिस्तूल बाळगणाऱ्या एका संशयित आरोपीला शिताफिने अडावद पोलीसांनी अटक केली आहे. ही कारवाई चोपडा तालुक्यातील वडगाव गावातील चौकात केली आहे. त्यांच्याकडून गावठी पिस्तूल जप्त केला असून अडावद पोलीसात गुन्हा दाखल करण्यात आला आहे. विलास अंतरसिंग बारेला वय-२४, रा,पाटचारी, अडावद ता. चोपडा असे अटक केलेल्या संशयित आरोपीचे नाव आहे.
चोपडा तालुक्यातील वडगावातील चौकात विलास बारेला हातात अवैधपणे गावठी पिस्तूल घेऊन दहशत माजवीत असल्याची गोपनीय माहिती अडावद पोलीस ठाण्याचे पोलीस कर्मचाऱ्यांना मिळाली. त्यानुसार पथकाने रविवारी ७ जुलै रोजी रात्री ८ वाजता कारवाई करत संशयित आरोपी विलास बारेला याला अटक केली. त्याच्याकडून १५ हजार रूपये किंमतीचा गावठी बनावटीचा कट्टा हस्तगत केला आहे. याबाबत पोलीस कॉन्स्टेबल नासिर तडवी यांनी दिलेल्या फिर्यादीवरून विलास बारेला याच्यावर गुन्हा दाखल करण्यात आला आहे. या घटनेचा पुढील तपास पोलीस कॉन्स्टेबल जयदीप राजपूत करीत आहे.
