जळगाव (प्रतिनिधी) राष्ट्रवादीचे जेष्ठ नेते हाजी गफ्फार मलिक यांच्या पार्थिवावर अंत्यसंस्कार करण्यात आले. यावेळी हजारोंच्या जनसमुदायसह सामाजिक कार्यकर्त्यांची उपस्थिती होती. यावेळी कडक निर्बंधाचे उल्लंघन करण्यात आले असून प्रशासन याप्रकरणी कारवाई करणार का ? असा प्रश्न सामाजिक कार्यकर्ते दीपक कुमार गुप्ता यांनी विचारला आहे. या संदर्भात त्यांनी मुख्यमंत्र्यांकडे तक्रार केली आहे.
राष्ट्रवादी काँग्रेसचे ज्येष्ठ नेते हाजी गफ्फार मलिक यांचे परवा रात्री निधन झाले. त्यांच्या पार्थिवावर काल दुपारी अंत्यसंस्कार करण्यात आले. याप्रसंगी हजारोंचा जनसमुदाय त्यांच्या अंत्ययात्रेत सहभागी झाला होता. अंत्यसंस्काराला जळगाव शहरासह जिल्ह्यातील मान्यवर नेते आणि सामाजिक कार्यकर्त्यांची उपस्थिती सुध्दा होती. यात सध्या सुरू असणार्‍या कडक निर्बंधांचे उल्लंघन करण्यात आले होते. यामुळे प्रशासन याप्रकरणी कारवाई करणार का ? असा प्रश्न माहिती अधिकार कार्यकर्ते तथा सोशल अ‍ॅक्टीव्हीस्ट दीपककुमार गुप्ता यांनी तातडीने ट्विटरवरून प्रशासनाला विचारला होता. यात त्यांनी मुख्यमंत्र्यांनाही टॅग केले आहे.
