धरणगाव (प्रतिनिधी) येथील श्री विवेकानंद ना शिक्षण प्रसारक मंडळ व विक्रम ग्रंथालय नी यांच्या संयुक्त विद्यमाने २४ ते ३० एप्रिलदरम्यान आयोजित व्याख्यानमालेत यंदा मान्यवर वक्त्यांना ऐकण्याची पर्वणी धरणगावकरांना मिळणार असल्याची माहिती प्रा. रमेश महाजन यांनी पत्रकार परिषदेत दिली.
धरणगाव येथील बालकवी ठोंबरे विद्यालयाच्या प्रांगणात २४ ते ३० एप्रिलदरम्यान रात्री ७ ते १० या वेळेत स्वामी विवेकानंद व्याख्यानमाला आयोजित करण्यात आली आहे. व्याख्यानाचा कार्यक्रम सर्वांसाठी खुला ठेवण्यात आला आहे. नागरिकांनी सर्व व्याख्यानांचा लाभ घ्यावा, असे आवाहन या वेळी करण्यात आले. या कार्यक्रमात २४ एप्रिलला छत्रपती संभाजी नगर येथील सुशील कुलकर्णी हे पत्रकारितेतील ‘इंद्रजाल ते मायाजाल’ या विषयावर व्याख्यान देतील. तर २५ एप्रिल रोजी फैजपूर येथील डॉ. अतुल सरोदे हे आपले आरोग्य या विषयावर, २६ रोजी नागपूर येथील अशुतोष आडोनी हे आई, २७ एप्रिलला वर्धा येथील सुभाष लोहे हे समाज व राष्ट्र उभारणीत संतांचे योगदान, २८ एप्रिलला मुंबई येथील रवी गोळे हे साहित्य व समाज, २९ एप्रिल रोजी पुणे येथील राहुल सोलापूरकर हे प्रतापगडावरील मंत्रयुद्ध तर ३० एप्रिल रोजी पुणे येथील राहुल सोलापूरकर हे छत्रपती शिवाजी महाराजांचे व्यापार व व्यवस्थापन शास्त्र या विषयावर व्याख्यान देणार आहेत. या सर्व व्याख्यानांचा शहरातील रसिकांनी लाभ घ्यावा, असे आवाहन या वेळी प्रा. रमेश महाजन व आयोजकांनी केले.
