बीड (वृत्तसंस्था) भाजप नेत्या पंकजा मुंडे तब्बल आठ महिन्यांनंतर बीड जिल्ह्यात परतल्यानंतर त्यांचे ढोल-ताशांच्या गजरात, बँड वाजवत, फटाके फोडून मोठ्या जल्लोषात स्वागत करण्यात आले आहे.
पंकजा तब्बल आठ महिन्यांनंतर बीड जिल्ह्यात परतल्या आहेत. याच गोष्टीच्या आनंदात कार्यकर्त्यांनी पंकजा मुंडे यांचं जालना-बीड सीमेवर जंगी स्वागत केले. यावेळी कार्यकर्त्यांची प्रचंड गर्दी उसळली होती. दरम्यान, बीड जिल्ह्यात सावरगाव येथे दरवर्षी होणारा दसरा मेळावा होणारच. पण यावर्षी हा मेळावा ऑनलाईन पद्धतीने होईल, असे पंकजा मुंडे यांनी स्पष्ट केले आहे. सावरगाव येथे भगवान भक्तीगडावर दरवर्षी पंकजा मुंडे यांच्या नेतृत्वात दसरा मेळावा आयोजित करण्यात येतो. पण कोरोना संकटामुळे यावर्षीचा मेळावा ऑनलाईन होणार आहे. पंकजा आपल्या समर्थकांशी ऑनलाईन संवाद साधणार आहेत. त्यामुळे गडावर कुणीही गर्दी करु नका, घरातून दर्शन घेण्याचे आवाहन त्यांनी केले आहे.
