भुसावळ प्रतिनिधी । शहरात २१ वर्षीय युवकाच्या छातीवर वार करून खून केल्याची घटना खडका रोड भागात रविवारी (दि. १३) रोजी रात्रीच्या सुमारास घडलीय. याप्रकरणी पोलिसांनी अवघ्या काही तासात आरोपींच्या मुसक्या आवळून तिघांना ताब्यात घेतले आहे.
याप्रकरणी शेख राशीद शेख मासुम यांच्या फिर्यादीवरून बाजारपेठ पोलिस ठाण्यात गुन्हा दाखल करण्यात आला असुन, खडका चौफुली येथे ब्रिजच्या खाली समीर शेख, शाहरुख शेख, आमिर शेख, रमजान शेख व आदर्श गायकवाड यांच्या जुन्या भांडण्याचे कारणावरुन राशीद शेख यांचा मुलगा अल्तमश रशिद शेख (वय-२१) यास लाथाबुक्कांनी मारहाण करुन जखमी केले. तसेच समिर शेख यांने त्याचे हातातील चाकुने अल्तमश शेख यास छातीत, पोठात, पाठीवर भोसकुन जिवे ठार मारले. म्हणुन गुन्हा दाखल करण्यात आला आहे.
या गुन्हात उपविभागिय पोलीस अधिकारी गजाजन राठोड यांना मिळालेल्या गुप्त बातमीव्दारा मार्फत यातील आरोपी शेख समिर शेख युसुफ (वय-१९), शेख शाहरुख शेख युसुफ (वय-२७ दोन्ही रा. १० खोली रिंगरोड, भुसावळ), समिर शेख रेहमान शेख (वय-१८, रा. १५ बंगला, भुसावळ) हे भुसावळ शहरातुन पळुन जात असताना त्यांना आज (दि.१४) पहाटे ५ वाजेच्या सुमारास सुन्दरनगर भागात सापळा रचुन ताब्यात घेण्यात आले आहे. तसेच यातील फरार आरोपीतांचा बाजारपेठ पोलीस ठाण्याच्या पथकाकडुन शोध सुरु आहे.
ही कार्यवाही पोलीस निरीक्षक दिलीप भागवत तसेच बाबासाहेब ढोंबे यांच्या मार्गदर्शनाखाली सहा. पोलीस निरीक्षक अनिल मोरे, मंगेश गोटला, पो.ना रविंद्र बि-हाडे, पो.ना रमन सुरळकर, पो.ना उमाकांत पाटील, पो.ना किशोर महाजन, पो.ना समधान पाटील, पो.कॉ विकास सातदिवे, पो.कॉ प्रशांत परदेशी, पो.कॉ ईश्वर भालेराव, पो.कॉ योगेश महाजन, पोकॉ श्रीकृष्ण देशमुख, पोकॉ गजानन वाघ आदींनी केली. गुन्हांचा तपास सहा.पोलीस निरीक्षक मंगेश गोटला व पोकॉ योगेश महाजन करीत आहेत.
