जळगाव (प्रतिनिधी) महिला दिनानिमित्त जळगाव जिल्हा क्रीड़ा अधिकारी कार्यालय व हॉकी जळगाव यांच्या सय्युक्त विद्यमाने आयोजित व स्पोर्टस हाउस पुरस्कृत महिलांच्या हॉकी स्पर्धा श्री छत्रपति शिवाजी महाराज क्रीड़ा संकुल मैदानावार आयोजित करण्यात आल्या होत्या. या स्पर्धेचे औपचारिक उदघाटन हॉकी महाराष्ट्रच्या सह सचिव प्रा डॉ अनिता कोल्हे व क्रीड़ा अधिकारी सुजाता गोल्हाने यांनी हॉकी खेडुन केले.
अंतिम सामना व थरारक विजय
स्पर्धेचा अंतिम सामना ध्यानचंद अकादमी विरुद्ध डॉ अण्णासाहेब जी डी बेंडाळे महाविद्यालयात खेळला गेला व अत्यंत अटातटीच्या सामन्यात अंतिम क्षणी एक मिनिट बाकी असतांना ध्यानचंद अकडेमीच्या निशा कोढलकर हिने गोल मारून विजय मिळविला. १-० ने बेंडाळे महाविद्यालयाला पराभव स्विकाराव लागला.
यांची होती उपस्थिती
प्रमुख अतिथी हॉकी जळगावचे सचिव फारुक शेख, क्रीडा अधिकारी सुजाता गुल्हाने, प्रा. डॉ अनिता कोल्हे, राज्य क्रीडा मार्गदर्शक अरविंद खांडेकर, हॉकीचे NIS प्रशिक्षक लियाकत अली, शादाब सय्यद, सत्यनारायण पवार, मुझफ्फर शेख होते.
विजयी व उपविजयी संघातील खेळाडू
निशा कोंढाळकर, भाग्यश्री शिंपी, भाग्यश्री कोळी, सरला अस्वर, गायत्री अस्वर, रोशनी राठोड, अश्विनी वंडोळे, आरती ढगे, रुपाली अस्वर, चेतना सपकाळे, पुनम कोळी, वैष्णवी चौधरी, निकिता पवार, विद्या खरोटे, पंच म्हणून कृष्णा राठोड आणि शहेजाद मिर्झा यांनी काम पाहिले.
