चोपडा (प्रतिनिधी) ९ ऑगस्ट “जागतिक आदिवासी दिवस” साजरा करण्यासाठी आदिवासी कोळी समाज व पावरा समाज बांधवांची एकत्रित बैठक नुकतीच चोपडा विश्राम गृहात मोठ्या उत्साहात पार पडली.
आदिवासी कोळी समाज बांधव व आदिवासी पावरा समाज बांधव एकत्रितरित्या आदिवासी दिवसाचे औचित्य साधत कृषी उत्पन्न बाजार समिती आवारापासून ते तहसील कार्यालयावर विशाल रॅलीचे नियोजन करण्यात आले आहे. या रॅलीस माजी आमदार अण्णासाहेब चंद्रकांत सोनवणे व आमदार लताताई चंद्रकांत सोनवणे हे संबोधित करणार आहेत.
या बैठकीस संजीव शिरसाठ,कैलास बाविस्कर,किरण देवराज, अनिल बाविस्कर, गोरख कोळी,चंद्रशेखर साळुंखे,लक्ष्मण कोळी,पंडित कोळी,प्रमोद बाविस्कर, मंगल कोळी, ,मोतीलाल रायसिंग,मंगल इंगळे,भरत देवराज,संजय इंगळे,योगेश कोळी,प्रकाश कोळी,दशरथ कोळी,बाळू कोळी,विठ्ठल कोळी,भरत पाटील कंडक्टर यांच्यासह कोळी बांधव मोठ्या संख्येने उपस्थित होते