धरणगांव (वृत्तसंस्था) तालुका युवा शारिरीक शिक्षण व क्रिडा शिक्षक महासंघाची सभा व सत्कार समारंभ धरणगांव येथे मोठया उत्साहात पार पडला आहे. कार्यक्रमाच्या अध्यक्षस्थानी महाराष्ट्र राज्य शारीरिक शिक्षण व क्रिडा शिक्षक महासंघाचे वरिष्ठ सहसचिव तथा जळगाव जिल्हा एथॅलेेटिक्स असोसिएशनचे सचिव गुरुवर्य श्री. राजेशजी जाधव, तर प्रमुख अतिथी उपस्थित होते.
जिल्हा क्रीडाशिक्षक महासंघाचे कार्याध्यक्ष श्री प्रशांत कोल्हे, सहसचिव श्री प्रवीण पाटील तसेच जळगांव जिल्हा युवा शारीरिक शिक्षण व क्रिडा शिक्षक महासंघांचे नवनियुक्त अध्यक्ष श्री. डॉ.रणजित पाटील, उपाध्यक्ष श्री. समिर घोडेस्वार , सचिव श्री. प्रा.हरिष शेळके, कार्याध्यक्ष श्री. सचिन महाजन, खजिनदार श्री.योगेश सोनवणे यांची उपस्थिती होती. कार्यक्रमाच्या सुरुवातीला नवनियुक्त गटशिक्षणाधिकारी श्री. बिऱ्हाडे साहेबांचा सत्कार देखील धरणगांव तालुका युवा शा. शिक्षण व क्रिडा शिक्षक कार्यकारीणीचे अध्यक्ष श्री. संदेश महानुभाव यांनी व आदरणीय सचिव श्री.राजेशजी जाधव सरांनी केला.नंतर जळगांव जिल्हा युवा क्रिडा महासंघ कार्यकारणीच्या पदाधिकाऱ्यांचा सत्कार शाल, पुस्तक व गुलाबपुष्प देवुन करण्यात आला. तालुक्यातील जमलेल्या क्रिडा शिक्षकांना मार्गदर्शन करतांना श्री प्रशांत कोल्हे सरांनी सांगितले की, शिक्षकांना शाळेत महत्वाचे स्थान आहे. मार्गदर्शन पर आदरणीय राजेश जाधव सरांनी क्रिडा शिक्षकांच्या समस्या, त्यांची कामे, येणाऱ्या काळात क्रिडा शिक्षकांना येणाऱ्या अडचणी तसेच इंग्लिश मिडीयम स्कुलला शिकवणाऱ्या क्रिडा शिक्षकांवर जो अन्याय होत आहे त्याला योग्य न्याय मिळवुन देवू अशी ग्वाही दिली. तद्नंतर तालुका समन्वयक व राज्य व जिल्हाक्रिडा महासंघ पुरस्कार प्राप्त श्री. सचिन सुर्यवंशी यांचा सत्कार श्री. राजेश जाधव सरांनी केला.
कार्यक्रमाचे प्रास्ताविक श्री. संदेश महानुभाव सरांनी केले व सुत्रसंचलन श्री.एम.डी. परदेशी सरांनी केले. आभार प्रदर्शन श्री.डी.एन. पाटील सरांनी मानले. कार्यक्रमास श्री.एन.वाय. पाटील सर,श्री.आर.बी. महाले सर, श्री. दिपक पाटील सर, श्री.ओस्तवाल सर, श्री.फिलीप गावीत सर, बोरसे सर, श्री. पवन बारी सर, श्री. अमोल सोनार सर, मुश्ताक अली मोहब्बत अली , श्री. हेमंत रमेश महाजन सर, .के.एस. पाटील,श्री.विकास शिरसाठ, श्री.आर.एन.पाटील, श्री. भुषण रायगडे,श्री.लक्ष्मण पाटील,उपस्थित राहून अनमोल असे सहकार्य केले. कार्यक्रम यशस्वीरित्या पार पडला. कार्यक्रमास तालुक्यातील क्रीडाशिक्षक यांची उपस्थिती होती
